2017-ci ilin bombardirləri: Ronaldo ilk “üçlüy”ə düşmədi

2017-ci ildə ən çox qol vuran futbolçuların adları müəyyənləşib. Offside.com.az xəbər verir ki, il hələ başa çatmasa da, yanvarın 1-dən bu günə qədər olan statistikaya əsasən, “Barselona”nın hücumçusu Lionel Messi hamını qabaqlayır.

Ulduz futbolçu klubunda və Argentina yığmasında ümumilikdə 51 qola imza atıb ki, bu, rəqibləri üçün əlçatmazdı. Messi bu toplardan 47-ni “Barsa”nın heyətində vurub ki, bu baxımdan da hamıdan öndədi.

Onu 47 qolla Polşa yığmasının və “Bavariya”nın forvardı Robert Levandovski izləyir. İlk “3-lüy”ü isə “Tottenhem”in və İngiltərə millisinin qol “silahı” Harri Keyn (45 qol) qapayır.

Maraqlıdı ki, FİFA tərəfindən ilin ən yaxşısı seçilən Kriştianu Ronaldo özünə yalnız 4-cü pillədə yer tapa bilib. Portuqaliyalı forvard millidə və klubda ümumilikdə 45 dəfə rəqib qapılarına yol tapıb.

Edinson Kavani, Pyerr-Emerik Obameyanq və Çiro İmmobile kimi ulduzların da qərarlaşdığı ilk “10-luq”da iki sürpriz oyunçu var. “Banqkok Yunayted”də çıxış edən Draqan Boşkoviç 37 matçda 41 qola imza ataraq 6-cı sırada qərarlaşıb. Bir vaxtlar “Trabzonspor” və “Kayserispor”da da çıxış etmiş Jaja Koelyo isə Tailan klubu “Buriram Yunayted”dəki məhsuldarlığı ilə diqqət çəkir.

 

“Beşiktaş”ın hücumçusu Cenk Tosun 2017-ci ildə 28 dəfə fərqlənməsinə baxmayaraq, ilk “20-lik”dən kənarda qalıb. Eran Zahavi, Serxio Aquero və Aleksandr Lakazettlə eyni sayda qol vuran Cenkin siyahıya düşə bilməməsinin səbəbi buna daha çox matçda nail olmasıdı.

 

 

Yer Futbolçu Klubda oyun Klubda qol Millidə oyun Millidə qol Ümumi oyun Ümumi qol
1. Lionel Messi 49 47 7 4 56 51
2. Robert Levandovski 40 38 6 9 46 47
3. Harri Keyn 36 38 6 7 42 45
4. Kriştianu Ronaldo 40 34 11 11 51 45
5. Edinson Kavani 43 42 8 2 51 44
6. Draqan Boşkoviç 37 41 0 0 37 41
7. Jaja Koelyo 49 38 0 0 49 38
8. Pyerr-Emerik Obameyanq 41 35 4 2 45 37
9. Çiro İmmobile 38 35 9 2 47 37
10. Bas Dost 38 35 5 0 43 35
11. Romelu Lukaku 37 27 8 8 45 35
12. Edin Dzeko 41 31 6 3 47 34
13. Dris Mertens 42 31 9 2 51 33
14. Radamel Falkao 38 29 5 3 43 32
15. Conas 40 31 0 0 40 31
16. Vinsen Abubakar 43 26 14 5 57 31
17. Albert Prosa 39 30 0 0 39 30
18. Eran Zahavi 32 28 3 0 35 28
19. Serxio Aquero 37 27 3 1 40 28
20. Aleksandr Lakazett 37 28 5 0 42 28

apasport.az

48 baxış